Oppgåve i Geoatlas

Kommentar til oppgåva

Det som var vanskelegast med denne oppgåva var å komme fram til kva artikkelen skulle handle om. Det å finne stoff som ein kunne nytte og som ein kunne ha som pålitelege kjelder tok også si tid. Eg valde å skriva ferdig teksten i Word, for så å lime den rett inn i Geoatlas. Dette synest eg fungerte godt, eg følte at eg fekk eit betre overblikk og etter kvart tekstbolk la eg til dei lenkjene som eg ville ha med der. Dette trur eg var med på å letta arbeidet mykje når eg skulle til å legge inn lenkjer og redigera teksten. I sjølve planleggingsprosessen brukte eg ein del tid til å sjå for meg kva eg ville at artikkelen skulle innehalde og korleis den skulle sjå ut. Skreiv ned ein disposisjon som eg brukte, men fant og endringar undervegs. Det eg synest var litt problematisk var kor mykje eg skulle ha med om historia. Den er litt lang, men alt i alt synest eg at eg fekk det sånn noko lunde til. Sit med eit inntrykk om at skal eg ta vekk noko, synest eg at det ikkje kjem til å verta ei heilskap i historia. Elles så ser eg at når eg skulle laga biletserien i moviemaker vart kvaliteten på den endelege filmen ganske dårleg, men det er ikkje noko ein kan gjera med sia det er avgrensingar på antal MB i Geoatlas. Noko anna eg merka er at Editoren i Geoatlas ikkje var der lenger, så eg fekk ikkje gjort nokon endringar på verken skrift eller farge.

Arbeid med artikkelen etter respons

Som eg sjølv nemde i kommentaren til oppgåva mi, var responsen at den var litt lang. Dette har eg gjort noko med. Eg har skrive litt om på teksa i artikkelen og eg har laga fleire pdf-filer som det vert lenkja til i teksten, dette for at lesaren kan får lesa meir om temaet. Vidare har eg jobba litt meir med forslag til opplegg som artikkelen kan nyttast til. Videoen har eg lasta opp på nytt i eit større format, eg fant ut at det hadde skjedd ein feil med den første formateringa, slik at kvaliteten på bileta ikkje vart så god.